Бо фармони Вазири фарҳанги Ҷумҳурии Тоҷикистон ҳунарпешаи халқии Ҷумҳурии Тоҷикистон Шодиев Афзалшо Султонович ба вазифаи директори Муассисаи давлатии «Филармонияи давлатии Тоҷикистон ба номи А.Ҷўраев» таъин карда шуд. Дар ин бора дар сомонаи расмии Вазорати фарҳанги ҶТ хабар дода мешавад. Дар ин мансаб ӯ Сайбухорӣ Маҷидовро иваз кард.
Афзалшо Шодиев соли 1962 дар ноҳияи Панҷакент ба дунё омада, соли 1979 мактаби миёнаро хатм ва ҳамон сол ба Донишкадаи ҳунарҳои ба номи Мирзо Турсунзода қабул мешавад. Соли 1983 пас аз хатми донишкада дар Филармонияи давлатии Тоҷикистон ба кор шурӯъ менамояд.
Афзалшо Шодиев дорандаи Ҷоизаи ба номи комсомоли ленинӣ (соли 1989), Ҳунарманди шоистаи Тоҷикистон (соли 1993) ва Ҳунарманди мардумии Тоҷикистон (соли 2008) аст.
Ҳамчунин дорандаи Ҷоизаи «Семирамида-2000» дар Ироқ ва Ҷоизаҳои гуногун дар ИМА, Олмон, Италия, Фаронса, Русия, Эрон ва Яман низ мебошад.
Мохи феврали соли 2013 барои саҳми босазо дар рушди зеҳнии ҷомеаи муосир ва дастовардҳои назарраси касбӣ Афзалшо Шодиев ба
мукофоти байнулмилалии
«INTELLECT OF NATION» (Хиради миллат) шарафёб гардид.
