Раиси шаҳри Душанбе Маҳмадсаид Убайдуллоев дар бораи санаи 21-уми ноябр даъват шудани иҷлосияи навбатии бистуми Маҷлиси вакилони халқи шаҳри Душанбе қарор ба имзо расонид.
Тавре котиби матбуотии раиси пойтахт Шавкат Саидов хабар дод, дар иҷлосия муовини аввали раиси пойтахт Насрулло Хайруллоев дар бораи омодагии шаҳри Душанбе ба мавсими зимистон ҳисобот медиҳад.
Ба гуфтаи ӯ, дар иҷлосия ҳамчунин масоили марбут ба истифодаи самараноки воситаҳои хоҷагии коммуналии шаҳр дар бозорҳои «Шоҳмансур» ва «Саховат» низ баррасӣ мешаванд.
