Ҳайати парлумони Туркия, аъзои гурӯҳи дӯстии парлумонҳои Тоҷикистону Туркия Мустафо Кабакчӣ, Нуриддин Небатӣ ва Умар Сухо субҳи имрӯз бо сафари серӯзаи корӣ ба Душанбе ташриф оварданд.
Тавре котиби матбуотии Маҷлиси намояндагони Маҷлиси Олии ҶТ Муҳаммадато Султонов хабар дод, ҳайати парлумонии Туркияро имрӯз раиси палатаи поёнии парлумони ҷумҳурӣ Шукурҷон Зуҳуров ба ҳузур мепазирад.
Зимни сафар ба Тоҷикистон ҳайати парлумонии Туркия аз палатаи болоии парлумони Тоҷикистон, Палатаи савдо ва саноати ҷумҳурӣ, Вазорати рушди иқтисод ва савдои кишвар боздид намуда, ҳамчунин бо дастовардҳои шоёни диққати шаҳрҳои Душанбе, Турсунзода ва Норак аз наздик шинос мешаванд.
