Санаи 13уми ноябри соли равон зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсияи шаҳри Кӯлоб дар мавзеи Киштии деҳаи Ёли ноҳияи Шӯрообод пинҳонгоҳе бо миқдори зиёди маводи мухаддир дарёфт шуд.
Бино ба иттилои маркази матбуоти ВКД Тоҷикистон, аз ин пинҳонгоҳ 3 линча маводи нашъадор дарёфт ва мусодира карда шуд, ки вазни умумиашон 70-килою 630-граммро ташкил дода, ба маводи навъи нашъадори “бангдона” мансуб мебошанд.
Зимнан зикр мегардад, ки нисбати далели мазкур парвандаи ҷиноятӣ оғоз гардида, тафтишот дар ин самт идома дорад.
