Ҳудуди 30 нафар наваскарони қисми низомии 45005-и Кумитаи ҳолатҳои фавқулода ва мудофиаи граждании назди ҳукумати Тоҷикистон дар ҳузури раҳбарияти Кумита, падару модарон ва афсарон ба садоқат ба ватан савганд ёд карданд. Дар ин бора ба «Азия-Плюс» котиби матбуотии Кумита Ориф Нозимов хабар дод.
Бино ба гуфти ӯ, баъди анҷоми маросими савгандёдкунӣ падару модарони наваскарон бо шароити хизмат ва маишати фарзандони худ аз наздик шинос шуда, бо афсарони қисми низомӣ мулоқот карданд.
Зимнан зикр гардид, ки сипас барои наваскарону падару модарони онҳо дастурхони идона ороста шуда, консерт намоиш дода шуд.
