Ҳамраиси комиссияи оташбас аз Иттиҳоди нерӯҳои мухолифини тоҷик тайи солҳои даргириҳои шаҳрвандӣ дар ҷумҳурӣ Ҷалолиддин Маҳмудов рӯзи 27-уми ноябр меҳмони навбатии вохӯриҳо дар доираи форуми «Гуфтугӯи тамаддунҳо»-и профессор Иброҳим Усмонов мешавад. Мулоқот бо намояндагони ҷомеа ва журналистон дар маркази равобити «Пойтахт» баргузор мегардад.
Профессор Иброҳим Усмонов ба «Азия-Плюс» дар ин робита изҳор намуд, ки Ҷ.Маҳмудов дар бораи мушкилоти мавҷудаи ҳамонвақта дар самти оташбас зимни мухолифати мусаллаҳона миёни тоҷикон хотироту андешаҳои худро иброз хоҳад намуд.
Қобили зикр аст, ки Ҷалолиддин Маҳмудов давоми солҳои 1995-1997 ҳамраиси комиссияи оташбас аз Иттиҳоди нерӯҳои мухолифини тоҷик буда, айни замон узви Комиссияи марказии интихобот ва раъйдиҳии Тоҷикистоназ Ҳизби наҳзати исломии Тоҷикистон аст.
