Дар шаҳри Хуҷанд дар доираи силсиламаҳфил-озмунҳо таҳти унвони «Дарёи муҳаббат» бо мақсади таҳкими арзишҳои оиладорӣ ва ба муносибати эълон гаштани «Соли 2015- соли оила» дар боғи таърихӣ- фарҳангӣ ва фароғатии Камоли Хуҷандӣ маҳфил-озмуни навбатӣ баргузор шуд.
Бино ба иттилои дафтари матбуоти мақомоти шаҳрдории Хуҷанд, маҳфили номбурда бо иштироки 10 оилаи намунавии маркази вилоят доир гашт. Оилаи ҷавони маҳфил собиқаи 30 солаи оиладорӣ ва кӯҳансолтаринаш бошад, собиқаи 60 солаи оиладорӣ доранд. Иштирокдорони маҳфил аз рӯзгори оилвии худ ба иштирокчиён нақл намуда, хушбахтии оилаи худро дар осудагии оила ва сиҳатии фарзандон нисбат доданд. Иштирокчиён тариқи суолу ҷавоб лаҳзаҳои ҷолиби зиндагии якҷоя, мушкилии рӯзгори худро нақл намуданд.
Чорабиниро намоишҳои ҳунарҳои мардумӣ ва фарҳангии занони фаъоли маҳаллаҳои шаҳр шукӯҳи хоса бахшид. Барои иштирокдорони маҳфил тӯҳфаҳои таъсиснамудаи Раиси шаҳри Хуҷанд супорида шуд.
