Як шаҳрванди 20-солаи Тоҷикистон, ки ба узвият дар созмони террористии «Давлатии исломии Ироқу Шом» (ДИИШ) ва содир кардани амалҳои террористӣ даъват мекардааст, дар шаҳри Архангелски Русия боздошт шудааст.
Бино ба иттилои,
Федеральное агентство происшествий
, кормандони Хадамоти федералии амният ӯро рӯзи 21-уми апрел боздошт намуда, сипас маълум шудааст, ки ӯ дар ин шаҳр тариқи шабакаи Интернет фаъолона ба корҳои таблиғотӣ машғул будааст.
«Дар торнамоҳои гуногун ва шабакаҳои иҷтимоӣ ӯ даъватҳо ба терроризмро ҷой дода, фаъолияташ ба ташкили гурӯҳҳои ҷиноятпешае чун «ДИИШ», гурӯҳи «Ал-Форуқ», «Ҳизби исломии Туркистон» ва ғайра нигаронида шуда буд», – омадааст дар хабар.
Зимнан зикр мегардад, ки айни замон гумонбаршуда боздошт ва ҳангоми кофтукови манзили зисташ ҳуҷҷатҳои тасдиқкунандаи фаъолияти террористии ӯ дарёфт шудааст.
