Дар ҷараёни сафари имрӯзаи расмии президенти Қазоқистон Нурсултон Назарбоев ба Тоҷикистон ва аз рӯи натиҷаҳои гуфтушуниди ӯ бо сарвари давлат Эмомалӣ Раҳмон миёни кишварҳо Созишнома дар бораи шарикии стратегӣ ба имзо мерасад. Дар ин бора ба «Азия-Плюс» як манбаъ аз ҳукумати Тоҷикистон хабар дод.
Бино ба иттилои манбаъ, ҳамчунин миёни Тоҷикистону Қазоқистон ба имзо расидани як бастаи асноди ҳамкории дуҷониба дар бахшҳои маориф, фарҳанг, варзиш, ҳифзи техникии маълумот, муҳоҷирати корӣ ва ҳифзи мутақобилдаи ҳуқуқҳои шаҳрвандони ҳарду кишвар ва барномаи ҳамкорӣ миёни Вазоратҳои корҳои хориҷии кишварҳо барои солҳои 2016-2017 низ дар назар аст.
