Ҳукумати Беларус тасмим гирифт, ки ба аҳолии дар фасли тобистон аз офатҳои табиӣ – селу обхезиҳо осебдидаи минтақаҳои кӯҳистони Тоҷикистон кумак мекунад.
Бино ба маълумоти намояндагии дипломатии Душанбе дар Минск, аз воситаҳои бо ин мақсад ҷудошудаи ҳукумати Беларус аз корхонаи маъруфи истеҳсоли автомобилҳои Минск барои анҷоми корҳои барқароркунӣ ва рафъи оқибатҳои офати табиӣ дар минтақаҳои осебидаи Тоҷикистон 6 адад автомашинаҳои боркаши 20-тоннагии тамғаи «МАЗ» харида шудааст.
«Айни замон қатори автомашинаҳо дар роҳ ба сӯйи Тоҷикистон аст», – гуфта мешавад дар маълумоти интишоршуда.
