Раиси палатаи поёнии парлумони ҷумҳурӣ Шукурҷон Зуҳуров имрӯз, 29 сентябр ҷаласаи навбатии Шӯрои Маҷлиси намояндагони Маҷлиси Олии Тоҷикистонро баргузор намуда, дар он рӯзномаи иҷлосияи дуюми палатаи поёнии парлумон даъвати панҷум, ки санаи 1 октябр ба кор шурӯъ мекунад, мувофиқа карда мешавад.
Котиби матбуотии палатаи поёнии парлумони кишвар Муҳаммадато Султонов ба «Азия-Плюс» дар ин робита иттилоъ дод, ки дар ҷаласаи Шӯрои парлумон ҳамчунин таъсиси гурӯҳи корӣ оид ба таҳияи лоиҳаи Қонуни ҶТ «Дар бораи муроҷиатҳои шахсони воқеъӣ ва ҳуқуқӣ» дар назар аст.
