Бонки марказии Русия маълумоти оморӣ дар бораи интиқоли маблағҳои пулии фаромарзӣ дар семоҳаи сеюми соли 2015-ро ба нашр расонид, ки тариқи низомҳои интиқоли маблағҳои пулӣ амалӣ шудаанд.
Бино ба
маълумоти
ин ниҳод, семоҳаи сеюми соли 2015 тавассути ин низомҳо аз Русия ба Тоҷикистон ҳамагӣ 358 млн. доллари ИМА (семоҳаи аввали соли 2014 – 1 млрд. 348 млн. $) маблағҳо интиқол дода шудаанд, ки нисбат ба ҳамин давраи соли гузашта ба андозаи 73,5% камтар аст.
Ба иттилои манбаъ, тӯли 9 моҳи соли 2015 аз Русия ба Тоҷикистон тариқи низомҳои интиқоли маблағҳои пулӣ 1 млрд. 54 млн. доллари ИМА (9 моҳи соли 2014 – 3 млрд. 16 млн. $) маблағҳо фиристода шудаанд.
Ҳамин тариқ, дар муқоиса бо 9 моҳи соли гузашта давоми моҳҳои январ-сентябри соли 2015 интиқоли мабалғҳои пулӣ аз Русия ба Тоҷикистон ба миқдори 65,1% кам шудааст.
