Бо дастури президенти Озарбойҷон Илҳом Алиев, Вазорати ҳолатҳои фавқулодаи ин кишвар аз номи ҳукумати Озарбойҷон ба осебдидагон аз заминларзаи Вилояти Мухтори Кӯҳистони Бадахшон кумаки башардӯстона фиристод.
Бино ба маълумоти
АЗЕРТАДЖ
бо истинод ба хадамоти матбуоти Кумитаи ҳолатҳои фавқулодаи Озарбойҷон, кумаки башардӯстона бо арзиши умумии 800 ҳазор манати озарбойҷонӣ аз 9,5 тонна қанд, 9,5 тонна шакар, 15 тонна биринҷ, 3 тонна чой, беш аз 16 тонна равғани растанӣ, 19 тонна орд, 19 тонна макарон, зиёда аз 18 тонна вермишел, 2000 адад маҷмӯи лавозмиоти ҷойхоб (кӯрпаву кампал ва ғайра), 50 адад генератор, 110 адад хайма, 6000 метри мураббаъ масолеҳи бомпӯш (шифери оҳанӣ) ва 30 метри мураббаъ чӯб иборат аст.
Гуфта мешавад, дар маросими фирстодани кумаки башардӯстона муовини вазири ҳолатҳои фавқулодаи Озарбойҷон, генерал-лейтенант Фаиг Тагизаде ва котиби якуми сафорати Тоҷикистон дар Озарбойҷон Салими Хатлонӣ иштирок кардаанд.
