Муовини вазири корҳои хориҷии Тоҷикистон Низомиддин Зоҳидӣ рӯзи 28 декабр бо сафири Япония дар Душанбе Такаши Камада дидоругуфтушунид кард.
Бино ба иттилои Вазорати корҳои хориҷии ҷумҳурӣ, дар ҷараёни мулоқот ҷонибҳо масъалаҳои ҳолати кунунӣ ва дурнамои муносибатҳои дуҷонибаро дар партави натиҷаҳои сафари расмии сарвазири Япония Шиндзо Абэ ба Тоҷикистон дар моҳи октябри соли 2015 мавриди баррасӣ қарор доданд.
Гуфта мешавад, зимни вохӯрӣ инчунин роҷеъ ба доираи васеи ҳамкории дуҷонибаи Тоҷикистону Япония, ба хусус дар соҳаҳои иқтисодиёт, нақлиёту коммуникатсия, энергетика, кишоварзӣ ва маориф табодули назар сурат гирифт.
