Бо қарори раиси шаҳри Душанбе Маҳмадсаид Убайдуллоев, ба муносибати ҷашни 25-солагии Истиқлолияти давлатии Ҷумҳурии Тоҷикистон доир ба муайян намудани беҳтарин лоиҳаи ангоравии композитсияи гулҳо дар шаҳри Душанбе озмуни кушод эълон шуд.
Бино ба иттилои сомонаи расмии мақомоти шаҳрдории пойтахт, озмун аз 18 январ то 18 феврал гузаронида шуда, дар он шахсони воқеъӣ ва ҳуқуқии ватанию хориҷӣ ширкат варзида метавонанд. Натиҷаҳои озмун санаи 24 феврал ҷамъбаст мешаванд.
Ғолиби озмун дар ҳаҷми 10 ҳазор сомонӣ, лоиҳаи зинаи дуюмро ишғолкарда бо 7,5 ҳазор сомонӣ ва лоиҳаи ҷойи сеюмро касбкарда бо 5 ҳазор сомонӣ мукофотпулиҳо сарфароз гардонида мешаванд.
