Палатаи поёнии парлумони Тоҷикистон имрӯз бидуни баррасӣ ва якдилона созишномаи моҳи ноябри соли гузашта баимзорасидаи ҳукумати ҷумҳурӣ бо Бонки осиёгии рушд (БОР)-ро тасдиқ намуд.
Мутобиқи ин созишнома, БОР баҳри дастгирии низоми маълумоти касбиву техникии Тоҷикистон 30 млн. доллари ИМА маблағ ҷудо мекунад.
Зимни суханронӣ назди вакилон доир ба ин масъала вазири меҳнат, муҳоҷират ва шуғли аҳолии ҷумҳурӣ Сумангул Тағойзода изҳор намуд, ки аз ин маблағ 15 млн. доллар ба сифати грант ва 15 млн. ба сифати қарзи имтиёзнок пешниҳод мегардад.
«Муддати 5 сол дар доираи амалисозии лоиҳа 29 литсейҳои касбиву техникӣ ва марказҳо, ки минбаъд аз рӯи 17 ихтисос кадрҳои ҳирфаӣ омода мекунанд, аз таъмир бароварда шуда, аз нав бо таҷҳизоти муосир таъмин карда мешаванд», – иброз дошт ӯ.
Вазир қайд кард, ки зимни омода кардани мутахассисон ба касбҳое таваҷҷуҳ зоҳир карда хоҳад шуд, ки бозорҳои кори кишвар ба онҳо эҳтиёҷ доранд.
