Президенти Тоҷикистон Эмомалӣ Раҳмон рӯзи ҷумъаи ҳамин ҳафта дар Кохи миллат аз сафири тозтаъини Иёлоти Муттаҳидаи Амрико дар Тоҷикистон Элизабет Миллард эътимоднома қабул мекунад.
Тавре як манбаъ аз ҳукумати ҷумҳурӣ ба «Азия-Плюс» дар ин робита иттилоъ дод, рӯзи 11 март сафирони нави Туркманистон ва Юнон дар Тоҷикистон низ ба Эмомалӣ Раҳмон эътимодномаҳои худро месупоранд.
Ёдрас мекунем, ки Элизабет Инга Миллард санаи 26 январи соли равон ба вазири корҳои хориҷии Тоҷикистон Сироҷиддин Аслов нусхаи эътимодномаи худро супурда буд.
