Дар шаҳри Петербурги Русия нисбати шаҳрванди Тоҷикистон Ҷомӣ Нурхонов ба иттиҳоми қатл ва истифодаи зӯроварӣ ба намояндаи ҳокимият ҳукм содир шуда, ӯ ба 9 соли зиндони низомаш умумӣ маҳкум шуд.
Бино ба маълумоти Кумитаи тафтишоти Русия дар шаҳри Санкт-Петербург, муайян карда шудааст, ки шаби 5 августи соли 2013 дар наздикии хонаи №3-и кӯчаи Антонов-Овсеенко ҷабрдида ба шаҳрванди Тоҷикистон эрод гирифта, дар натиҷа миёни онҳо муноқиша сар мезанад.
«Сипас муноқишаи лафзӣ ба занозанӣ табдил ёфта, дар он Нурхонов ба мард бо корд зарба мезанад ва аз ҷойи ҳодиса ғайб мезанад. Аз ҷароҳатҳои бардошта бар асари зарбаи корд ҷабрдида ба ҳалокат мерасад», – қайд мешавад дар маълумот.
Ҳамчунин гуфта мешавад, зимни боздошт Нурхонов фаъолона муқовимат нишон дода, дар натиҷа яке аз кормандони мақомоти пулис ҷароҳат бардоштааст.
