Шӯрои машваратии назди раиси шаҳри Душанбе оид ба рушди соҳибкорӣ, беҳтар намудани фазои сармоягузорӣ, ҳамкорӣ дар самти шарикии давлат ва бахши хусусӣ бо мақсади муайян ва баҳогузорӣ намудани монеаҳои маъмурие, ки соҳибкорон ҳангоми анҷоми фаъолияти соҳибкорӣ дар шаҳри Душанбе бо онҳо рӯ ба рӯ мешаванд, тасмим гирифтааст, ки назарсанҷиро ба роҳ монад.
Бино ба
иттилои
сомонаи расмии шаҳрдории пойтахт, хоҳишмандони иштирок дар назарпурсӣ метавонанд ба Раёсати сармоягузорӣ ва идораи амволи давлатии Мақомоти иҷроияи маҳаллии ҳокимияти давлатӣ дар шаҳри Душанбе муроҷиат намоянд.
Дар назарсанҷӣ соҳибкорони пойтахт ба фаъолияти мақомоти андозу гумрук, хадамоти зиддиинҳисорӣ, санитарӣ ва ҳамчунин Агентии «Тоҷикстандарт» баҳогузорӣ мекунанд.
Тоҷирони шаҳри Душанбе ҳамчунин метавонанд дар бораи монеъаҳои асосие, ки дар рушди тиҷораташон ба онҳо дучор мешаванд ва мақомоти давлатии мушкилэҷодкун дар рушди бахши хусуси иқтисод ибрози назар кунанд.
