Дар шаҳри Маскав миёни Бонки авруосиёии рушд (БАОР), ки идоракунандаи Фонди авруосиёии субот ва рушди бонк аст ва Тоҷикистон дар бораи пешниҳоди қарзи молӣ дар ҳаҷми 40 млн. доллари ИМА барои дастгирии ислоҳоти ислоҳоти иқтисодӣ дар кишвар давоми солҳои 2016-2017 созишномаи қарзӣ ба имзо расид.
Зери созишнома аз ҷониби БАОР раиси Раёсати бонк – Дмитрий Панкин ва аз ҷониби Тоҷикистон – вазири молияи ҷумҳурӣ Абдусалом Қурбониён имзо гузоштанд.
Дар маълумоти ба ин муносибат интишоршудаи БАОР зикр мегардад, ки Тоҷикистон ҳамаи шартҳо барои пешниҳоди қарзро, ки бо қарори Шӯрои Фонди авруосиёии субот ва рушди бонк аз 8 декабри соли 2015 муқаррар шуда буд, ба иҷро расонидааст.
Қобили зикр аст, ки ин қарз
бо ду қисмат интиқол ёфта
, қисмати аввал ба маблағи 20 млн. доллари ИМА ахири моҳи август – даҳаи аввали моҳи сентябр дастрас мешавад.
