Мувофиқи қарори губернатори вилояти Челбинск, ба муҳоҷирони меҳнатӣ ронандагӣ дар таксиҳо ва нақлиёти ҷамъиятӣ дар қаламрави вилоят манъ карда мешавад.
Қарори раиси вилоят, ки аз 1 январи соли 2016 ҳукми қонунӣ гирифта, рӯзи 16 январи соли равон дар торнамои расмии ҳукумати вилояти Челябинск нашр шуд.
Дар қарори губернатори вилоят Борис Дубровский зикр мегардад, ки ин қарор ба ронандагони нақлиёти мусофирбар ва таксиҳои дохилӣ ва байнишаҳрӣ дахл дорад.
Дар санад ҳамчунин қайд мешавад, ки «ин қарор бояд нисбати шаҳрвандони хориҷии машғули кор дар нақлиётии ҷамъиятӣ татбиқ шавад», саҳеҳтараш онҳо аз кор озод шаванд.
Қобили зикр аст, ки дар вилояти Челябинск аз соли нав арзиши патент барои муҳоҷирон низ боло рафта, то 3600 рубли русӣ расонида шуд.
