Сафири Русия дар Тоҷикистон Игор Лякин-Фролов ҷиҳати шиносоӣ бо ҷараёни амалисозии корҳо дар доираи лоиҳаи «Беҳбуди некӯаҳволии аҳолии деҳот дар 9 ноҳияи Тоҷикистон» рӯзҳои 24-25 май аз ноҳияҳои Темурмалик ва Восеъи ноҳияи Хатлон боздид намуд.
Дар маросими ифтитоҳи гармхона дар деҳаи Чордараи ҷамоати Тугараки ноҳияи Восеъ, ки дар доираи ин лоиҳа сохта шудааст, сафири Русия Игор Лякин-Фролов, Директори кишварии Барномаи рушди СММ (БРСММ) дар Тоҷикистон Ян Харфст, муовини раиси вилояти Хатлон Раҷабалӣ Раҷабов, раиси ноҳияи Восеъ Мӯсо Ғафурзода Зариф ва дигарон ширкат варзиданд.
Дар чаҳорчӯби амалисозии лоиҳаи мазкур ҳамчунин дар литсейи касбӣ-техникии ноҳияи Восеъ синфхонаи машғулият барои омӯзиши адрасбофӣ низ ифтитоҳ гардида, он бо тамоми таҷҳизоти зарурӣ таъмин гардид.
Дастрасии маҳдуд ба техникаи кишоварзӣ мушкилоти асосӣ дардеҳот аст ва тасмим гирифта шуд, ки дар чаҳорчӯби лоиҳа дар назди Ассотсиатсияи хоҷагии деҳқонӣ-фермерии «Бародарон-2016»-и ноҳияи Темурмалик пойгоҳи мошиниву тракторӣ ба фаъолият оғоз мекунад.
Ҳамчунин дар ноҳияи Темурмалик дар назди курсҳои омӯзишии Агентии шуғли аҳолии ноҳия синфхонаи машғулиятҳо оид ба касби кафшергари барқу газӣ барқарор ва бо тамоми таҷҳизоти зарурӣ таъмин гардид.
