Бино ба маълумоти Созмони Милали муттаҳид, шумораи гурезаҳо, паноҳҷӯён ва муҳоҷирони дохилӣ дар соли 2016 ба дараҷаи рекордӣ расида, ба 65 миллиону 600 ҳазор нафар баробар шудааст, ки назар ба соли пешин 300 ҳазор нафар бештар аст.
ИЗОБРАЖЕНИЕ
Бино ба иттилои сомонаи Бахши хабарии Осиёи Марказӣ, ба ҳисоби миёна соли гузашта ҳар дақиқа 20 нафар маҷбур ба он гашт, ки хонаи худро тарк кунад, яъне ҳар се сония 1 нафар паноҳанда ё гуреза шуд.
Гуфта мешавад, аксари паноҳандагон – панҷуним миллион нафар аз Сурияанд. Ба ғайр аз ин, тавре муаллифони гузориши СММ мегӯянд, афзоиши ташаннуҷ дар Судони Ҷанубӣ зимни шиддат гирифтани низоъ сабаби фирори наздик ба 800 ҳазор одам гардид.
Зимнан зикр мегардад, ки раҳбари идораи СММ дар умури паноҳандагон Филиппо Грандӣ аз ҷомеаи ҷаҳонӣ хостааст, ки ҷойҳои пазириши паноҳҷӯёнро 13 мартаба бештар карда шавад. Ба гуфтаи ӯ, ҳоло зиёда аз 1 миллион нафар ба камтарин шароити зист ниёз доранд.
