Ба муносибати моҳи шарифи Рамазон ширкати «Рахш Такси» ва акваклуби «Делфин» барои 250 нафар тарбиятгирандагони мактаб интернати №1-и шаҳри Душанбе як иқдоми хайрия баргузор намуданд.
ИЗОБРАЖЕНИЕ
Тарбиятгирандагони интернат бо сарулибос ва дигар лавозимоти зарурӣ барои оббозӣ ва истифода аз дастгоҳу таҷҳизоти аквапарк, ҳамчунин бо ғизои нисфирӯзӣ таъмин карда шуда, зимни баргузории бозиву озмун ва дигар чорабиниҳо бо туҳфаҳо сарфароз гардонида шуданд.
ИЗОБРАЖЕНИЕ
Дастандаркорони иқдоми хайрия барои саҳмгузорӣ дар доир намудани ин чорабинӣ ба шуъбаи БДА-и шаҳри Душанбе, корхонаи «Автобус-1»-и пойтахт, табибони дармонгоҳи «Нурафзо», намояндагии ширкати ҳавопаймоии «Уральские авиалинии», ширкати «Абдулло Медиа» ва аксбардор Хусрав Зуҳуров миннатдорӣ изҳор намуданд.
Ҳамчунин ширкатҳои «Таком», «Скай Тур» ва «Сомон Сеть» низ дар баргузории ин иқдоми хайрия кумаки назаррас расониданд.
