Бо фармони Президенти Тоҷикистон Эмомалӣ Раҳмон се судя бинобар сабаби расидан ба синни ниҳоии дар вазифаи судя будан аз вазифаҳояшон озод карда шуданд.
Бино ба иттилои хадамоти матбуоти сарвари давлат, ҳамин тариқ Амонулло Муқаиршо аз вазифаи раиси суди шаҳри Хоруғ, Қосим Нуруллозода аз вазифаи раиси суди ноҳияи Ҷалолиддини Балхӣ ва Зумрад Нурализода аз вазифаи раиси суди ноҳияи Шамсиддин Шоҳин озод карда шуданд.
Ҳамчунин бо амрҳои Сарвари давлат Фаромӯз Имомбердиев аз вазифаи машваратчии шӯъбаи амнияти ҷамъиятии дастгоҳи Шӯрои амнияти Тоҷикистон озод карда шуд.
Бо амрҳои дигари Президент Масрур Абдуллозода мушовири бахши Ёрдамчии Президенти Тоҷикистон оид ба масъалаҳои рушди иҷтимоӣ ва робита бо ҷомеа ва Аҳмадҷон Ҳасанзода мудири Котиботи Сарвазири Тоҷикистон таъин карда шуданд.
