Як сокини шаҳри Хоруғ бераҳмона аз пайвандонаш қасос гирифт: ӯ ба сӯи ҳамсари бародари марҳумаш тир холӣ карда, ҷияни хурдсоли худро захмӣ кард.
Мард бо номи Некрӯз Д. мавриди ҷустуҷӯ эълон шуда, ӯро натанҳо кормандони милитсия, балки аҳолии минтақа низ ҷустуҷӯ доранд.
Ин муноқишаи оилавӣ шаби 6 октябр дар деҳаи Поршнев рух дод. Мард ба хонаи пайвандонаш омада, дар мавриди мероси бародари марҳумаш ба муноқиша мепардозад. Қаблан бо қарори суд манзил ба ҳамсар ва кӯдаки вогузор шуд. Лекин мард бо ин қарор розӣ набуда, тасмим мегирад, ки «рақибонаш»-ро аз сари роҳ бигирад.
«Ӯ ҳамсару бародари ӯ, писару хушдомани бародарашро, ки он замон дар хона қарор доштанд, тирборон кардааст», – хабар дод ба «Азия-Плюс» як сокини ҷамоати Поршинев.
Зани пиронсол дар ҷойи ҳодиса ба ҳалокат расида, ҳамсару кӯдаки бародараш дар бемористон бистарӣ шудаанд.
Тибқи маълумоти манбаъҳои «Азия-Плюс» дар мақомоти ҳифзи ҳуқуқ, айни замон ба ҷустуҷӯи сокини мавриди пайгард эълоншудаи шаҳри Хоруғ аҳолии минтақа ҳам ҳамроҳ шудаанд.
Дар Вазорати корҳои дохилии Тоҷикистон ваъда доданд, ки ояндаи наздик дар мавриди ҳодисаи мазкур муфассал маълумот хоҳанд дод.
