Суди ноҳияи Смолнии шаҳри Санкт-Петербург санаи 17 декабр дар бораи ба ҳабс гирифтани шаҳрванди Тоҷикистон Фирӯз Калавуров, зодаи Доғистон Шамил Омурҳоҷиев ва зодаи Ингушистон Алисхон Эсурзиев қарор қабул кард, ки ба даст доштан омодакунии ҳамлаҳои террористӣ дар шаҳри Санкт – Петербург гумонбар дониста мешаванд.
Хабаргузории РБК дар ин робита менависад, боздошти онҳо ба туфайли маълумоти Раёсати марказии иктишофӣ (ЦРУ) имконпазир гардидааст.
Қобили зикр аст, ки дар суҳбати телефонии президенти Русия бо президенти ИМА, Владимир Путин ба Доналд Трамп барои пешниҳоди маълумот, ки ба пешгирии амалҳои террористӣ кумак кард, миннатдорӣ изҳор намуд.
Бино ба маълумоти хадамоти матбуоти Кремл, ин маълумот ба боздошти афроде, ки ҳамлаҳо дар шаҳри Петербург ва дигар шаҳрҳои Русияро тарҳрезӣ намуда буданд,дар макони серодами шаҳри Петербург амалҳои террористӣ анҷом доданӣ буданд.
Қобили зикр аст, ки ин се нафар санаи 14 декабр боздошт шуда, лекин гуноҳи худро эътироф намекунанд ва изҳор медоранд, ки аслиҳаро ба онҳо партофтаанд.
Дар маводи парванда зикр мегардад, ки онҳо бо Антон Кобтс ва Евгений Ефимов, ки ба омадакунии амали террористӣ дар калисои Қазони Петербург гумонбар дониста мешаванд, робита доштаанд.
Доир ба боздошти чандин нафар ҷонибдорони гурӯҳи террористии «Давлати исломӣ» дар Петербург рӯзи 15 декабр маълумот интишор шуда, Ефимов ба тайёр кардани маводи тарканда барои амали террористӣ дар калисо иқрор шуд ва ӯро то 14 феврал ба ҳабс гирифтанд.
Кобетс санаи 16 декабр боздошт ва баъдан парвндаи ӯ бо парвандаи Ефимов муттаҳид шуд. Тибқи фарзияи тафтишот Кобется ба Ефимов дар азназаргузоронии гузоштани ҷойи бомба дар макони амали террористӣ ва маслиҳату машварат оид ба содир кардани амали террористӣ кумак кардааст.
