Дар вилояти Суғд мастер-классҳои муштарак, ки аз ҷониби намояндагони макотиби олӣ ва ширкати “МегаФон Тоҷикистон” барои донишҷӯёни Донишгоҳи давлатии Хуҷанд ба номи академик Бобоҷон Ғафуров гузаронида мешаванд, идома доранд. Мастер-класси сеюм ба робитаи мутақобилаи соҳаҳои маркетинг ва алоқа бо ҷомеа – ташкил ва пешбарии бренд ва дурнамои кор бо рақибон” бахшида шуда буд.
Ҳамкории ширкати “МегаФон Тоҷикистон” ва донишгоҳ аллакай солҳои дароз идома дорад. Дар чаҳорчӯбаи лоиҳаи нави муштарак омӯзгорони донишгоҳ оид ба назария, ташкили имиҷи мусбати ширкат ва таҳкими бренд дар шароитҳои рақобати баланд дар бозор маълумотҳо дода, иштирокчиён дар ин робита маслиҳатҳои муфиди аз таҷрибаи оператори алоқа асосгирифтаро ба даст оварданд. Ҷолиб он аст, ки муаррифии “МегаФон Тоҷикистон” ба тариқи онлайн бо ёрии интернети баландсуръати мобилӣ ташкил карда шуд – ин як мисоли равшани таъсири мусбати сифати баланди хизматрасониҳо ба имиҷи ширкат ба шумор меравад.
ИЗОБРАЖЕНИЕ
“Мо кӯшиш менамоем, ки мастер-классҳо дар навбати аввал ба кормандони ояндаи соҳаи PR маркетинг фоида оварда тавонанд. Ва бо як вохӯрии дар донишгоҳ баргузоршуда мо доираро маҳдуд намекунем: дар ҷамъбасти чорабиниҳо донишҷӯёни фаъолтарин имкон пайдо мекунанд, ки дар ширкат аз таҷрибаомӯзӣ гузаранд”, – изҳор доштанд Роҳбари Раёсати минтақавии ширкати “МегаФон Тоҷикистон” дар вилояти Суғд Далер НАИМОВ.
ИЗОБРАЖЕНИЕ
Ноиб декани факултаи Молия ва иқтисодиёти бозор Наргиза РАҲМАТОВА инчунин аҳамияти бузурги чунин омӯзиши донишҷӯёнро қайд намуданд. “Чунин вохӯриҳо барои такмилдиҳии донишҳо дар соҳаи идоракунии имиҷи ширкати худ имконияти нодир ба ҳисоб мераванд. Ман мутмаинам, ки на танҳо донишҷӯён, балки омӯзгорон низ маълумоти зиёди судмандро дар ҷараёни онҳо ба даст оварданд”, – зикр намуданд Наргиза РАҲМАТОВА.
Мастер-класси оянда барои донишҷӯёни Суғд “МегаФон Тоҷикистон” дар моҳи сентябри соли равон доир хоҳад кард.
