То 16 август дар баъзе ноҳияҳои шаҳри Душанбе дар таъминот бо барқ баъзе мушкилотҳо рӯйи кор меоянд.
Тавре ба “Азия-Плюс” як манбаъ аз ҶСК “Шабакаҳои барқи Душанбе” хабар дод, аз 13 то 16 август зеристгоҳ мавриди таъмир қарор гирифта, дар мавзеи комбинати шири Душанбе, фабрикаи “Ширин”, Раёсати БДА ВКД Тоҷикистон ва кӯчаҳои наздику ҳамшафати он, манзилҳои истиқоматӣ ва корхонаҳо гоҳ-гоҳ интиқоли нерӯи барқ қатъ мегардад.
Зимнан зикр гардид, ки корҳои таъмир шабона гузаронида намешаванд ва интиқоли нерӯи барқ рӯзона се-чор маротиба ба муддати 15-20 дақиқа қатъ мегардад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
