Дар робита ба баргузор намудани корҳои таъмиру навсозӣ ва омодагии шабакаҳои барқ ба мавсими тирамоҳу зимистон, имрӯз, 2 октябр аз соати 09:00 то 16:00 интиқоли нерӯи барқ ба чанде аз кӯчаву маҳаллаҳои шаҳри Душанбе қатъ мегардад.
Тавре ба “Азия-Плюс” аз шабакаҳои барқи пойтахт дар ин робита хабар доданд, дар фосилаи соати зикршуда интиқоли нерӯи барқ ба кӯчаҳои Карамов, Бохтар, Назаршоев, Шарқӣ, Айнӣ, Адҳамов, Беҳзод, Раҳмон Набиев, Бунёдкорон ва маҳаллаи Зарафшон-2 боздошта мешавад.
“Вобаста ба ҳаҷми корҳои таъмиру навсозӣ, интиқоли нерӯи барқ ба баъзе кӯчаву маҳаллаҳо шояд пештар аз муҳлати зикршуда барқарор карда шавад”, – қайд карданд дар шабакаҳои барқи Душанбе.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
