Манъи муваққатии ҳаракати мошинҳои боркаши ядакдор (притсепдор) ва фураҳо, ки субҳи имрӯз дар роҳи мошингарди Душанбе – Хуҷанд ҷорӣ гардида буд, бекор шуд.
Тавре ба “Азия-Плюс” аз филилаи ширкати «Инновейтив Роуд Солюшнз» (IRS) хабар доданд, манъи муваққатии ҳаракати ин навъи нақлиёт бинобар сабаби барфрезии зиёд дар роҳи ағба ва пешгирии бавуҷудоии тамбашавии автомобилҳо ҷорӣ гардид. Муддати як соат ҳаркати ин навъи нақлиёт манъ шуд.
Баъди аз ҷониби кормандони ширкат коркард шудани қитъаҳои хатарноки роҳ бо маводи махсус ҷиҳати таъмини ҳаракати муназзам ва бехатар, ба ҳаракати воситаҳои нақлиёти зикршуда иҷозат дода шуд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
