Дар арафаи Соли нави мелодӣ бо супориши Раиси вилояти Суғд Раҷаббой Аҳмадзода ба 900 оилаи камбизоат кӯмак дар шакли маҳсулоти ниёзи аввал, маҳсулоти хӯрокворӣ ва либос тақдим карда мешавад.
Чунин кӯмак ба 60 оила аз ноҳияи Айнӣ, 60 аз Ашт, 80 аз Бобоҷон Ғафуров, 25 аз Гулистон, 60 аз Деваштич, 50 аз Зафаробод, 80 аз Истаравшан, 60 аз Исфара, 20 аз Истиклол, 60 аз Конибодом, 20 аз Кӯҳистони Мастчоҳ, 50 аз Мастчоҳ, 80 аз Панҷакент, 40 аз Спитамен, 65 аз Хуҷанд, 40 аз Ҷаббор Расулов ва 25 аз Шаҳристан расонида мешавад, иттилоъ медиҳад маркази матботии раиси вилояти Суғд.
Ба кормандони масъули дастгоҳи раиси Суғд супориш дода шудааст, ки бевосита ба оилаҳои камбизоат ташриф намоянд ва кӯмаки ироашударо тақдим кунанд.
Ҳамчунин, бо супориши раиси вилояти Суғд ба маъюбони танҳо ва ятимони кул кӯмаки яквақтаина расонида мешавад.
