Раиси шаҳри Душанбе Рустами Эмомалӣ ба Муассисаи давлатии «Хонаи кӯдакони синни томактабии №1-и шаҳри Душанбе» ташриф оварда, ба 69 нафар кӯдакони аз синни 4 то 7-сола, ба шумули 22 нафар духтар ва 47 нафар писарони ятими кул ва нимятимон, инчунин фарзандон аз оилаҳои ниёзманд, афроди бепарастор, фарзандони волидайнашон гирифтор бемориҳои руҳӣ туҳфаҳо тақдим намуд.
Бино ба иттилои дафтари матбуоти мақомоти шаҳрдории пойтахт, Рустами Эмомалӣ ба кӯдакон сарулибоси нави зимистона, бозичаҳои гуногун ва шириниҳо тақдим намуда, ҳамчунин барои онҳо дастурхони идона ороста шуд.
Бо иштироки раиси шаҳри Душанбе "Озмоишгоҳи марказии назорати истеҳсоли оби нӯшокии Корхонаи воҳиди давлатии «Обу корези шаҳри Душанбе» мавриди баҳрабардорӣ қарор дода шуд.
Гуфта мешавад, дастгоҳу таҷҳизоти муосир ва шароити фароҳамовардашуда ҳ имкон медиҳад, ки дар озмоишгоҳ 30 намуди ташхиси об гузаронида шавад.
Сипас бо ҳузури раиси пойтахт маросими мавриди баҳрабардорӣ қарор гирифтани биноҳои шуъбаи Кумитаи давлатии амнияти миллии Тоҷикистон дар ноҳияҳои Фирдавсӣ ва Шоҳмансури шаҳри Душанбе доир гардид. Барои сохтмони ин биноҳо ҳудуди 7,5 млн. сомонӣ маблағ сарф шудааст.
Дар маҳаллаи Гулбуттаи шаҳр Рустами Эмомалӣ бинои нави Муассисаи таълимии томактабии №131-ро мавриди истифода қарор дода, ки барои сохтмони он аз буҷети шаҳр беш аз 5 млн. сомонӣ маблағ ҷудо шудааст.
Дар ноҳияи Синои шаҳри Душанбе бо иштироки Рустами Эмомалӣ баъди азнавсозӣ 2 муассисаи таҳсилоти томактабӣ – кӯдакистонҳо №56 ва 18 мавриди баҳрабардорӣ қарор дода шуданд. Барои таъмиру навсозии ин иншоотҳо зиёда аз 10,3 млн. сомони воситаҳои пулӣ харҷ шудааст.
Хабарҳои моро дар Viber пайгирӣ намоед, ба шабакаи мо бо суроғаи https://viber.com/asia-plus ҳамроҳ шавед.
Хабаргузории Asia-Plus-ро манбаи асосии иттилооти худ дар Google Новости бигардон, ба шабака бо суроғаи зерин обуна шав.
