Гуруҳи “Дэнся”-и Ҷопон 18 март, аз соати 16:00 то 17:30, дар толори Донишгоҳи славянии Тоҷикистону Русия воқеъ дар шаҳри Душанбе барномаи консертӣ баргузор менамояд. Дар ин бора сафорати Ҷопон дар Тоҷикистон хабар медиҳад.
Барномаи консертии “Дэнся” бахшида ба ҷашни Наврӯз доир мегардад.
Гуруҳи “Дэнся” дар бисёре аз кишварҳо барномаи консертӣ баргузор намудааст ва мавротиба аввал дар Душанбе сурудҳои миллии Ҷопонро иҷро мекунад.
Вуруд ба барномаи консертӣ озод аст ва ҳар нафар метавонад бо мусиқии милии ин кишвари тулӯи офтоб ошно гардад.
Гуруҳи мазкур нақша дорад тамошобинонро бо санъат ва фарҳанги қадима ва миллии Ҷопон шинос намояд. Ҳамчунин, аъзоёни гуруҳ ният доранд сурудҳои халқҳои дигарро зери навои ҷопонӣ иҷро намоянд.
Гуфта мешавад, яке аз ҳадафҳои дигари баргузории барномаи консертии мазкур, тақвияти муносибатҳои дӯстонаи Тоҷикистону Ҷопон аст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
