Дар Сахалин ба муҳоҷирни машғули кор бо патент фаъолият боз дар як қатор соҳаҳо, аз ҷумла ободонии кӯчаву хиёбон ва боғҳо манъ шуд, хабар медиҳад Sakhalin.info.
Соли 2019 номгӯи навъҳои фаъолияти иқтисодӣ, ки дар он ҷалби шаҳрвандони хориҷии машғули кор бар асоси патент ба кор аз ҷониби субъектҳои хоҷагидор манъ мешавад, зиёд карда шуд.
Ба номгӯи фаъолияти иқтисодии “манъшуда” кор дар ободонии кӯчаву хиёбон ва боғҳову манзара (ландшафт), агентиҳои интихоби ҳайати шахсӣ (корманд), шуғли муваққатӣ ва агентиҳои рекламадиҳанда дохил шуданд.
Моҳи декабри соли 2018 и. в. роҳбари Сахалин Валерий Лемеренко ҷалби муҳоҷирнро ба кор дар соҳаҳои маориф, истеҳсоли маҳсулоти хӯрокворӣ, савдо чакана, фаъолият дар хадамоти хусусии посбонӣ, нақлиёти заминӣ ва лӯлаҳо, тавққуфгоҳҳо барои воситаҳои нақлиёт манъ карда буд.
Аз соли 2016 то соли 2019 дар Сахалин манъи корро ба муҳоҷирон дар соҳаҳои корҳои ҳамлу нақли борҳои хатарнок, фаъолият дар меҳмонхонаву корхонаҳо ва хӯроки умумӣ, таъмину тақсимоти об, дар бахшҳои ронандагӣ дар автобусу таксиҳо, якчанд самтҳои савдо ва сохтмон, истеҳсоли нон ва маснӯоти қаннодӣ, агентиҳои тавққуфгоҳҳо ва посбонии воситаҳои нақлиёт, мактабу беморхонаҳо ҷорӣ карда буданд.
Дар ҳамин ҳол, бо қарои думаи вилояти Сахалин, соли 2019 нархи патент барои муҳоҷирон дар ин минтақаи Русия 25% – то 5807 рубл дар як моҳ афзуд.
Қобили зикр аст, ки ба Сахалин муҳоҷирон маъмулан аз Ӯзбекистону Қирғизистон ва ҳамчунин Тоҷикистон меоянд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
