Раиси шаҳри Душанбе дар бораи баргузор намудани озмунҳои шаҳрии «Маҳаллаи беҳтарин» ва «Кӯчаи беҳтарин» қарор ба имзо расонид.
Бино ба иттилои дафтари матбуоти мақомоти шаҳрдории пойтахт, озмунҳо шурӯъ аз ҳамин сол то соли 2021 – ҷашни 30-солагии Истиқлолияти давлатии Тоҷикистон ҳар сол гузаронида мешаванд.
Бо дастури раиси пойтахт, комиссияи шаҳрӣ натиҷаҳои озмунҳоро бо дарназардошти номзадҳои аз тарафи комиссияҳои ноҳиявӣ пешниҳодгардида то 1 сентябри ҳар сол ҷамъбаст менамояд.
Ба ҳайати комиссия кормандони мақомоти шаҳрдорӣ, вакилони Маҷлиси вакилони халқи пойтахт, намояндагони аҳли ҷомеа шомиланд.
Гуфта мешавад, ба ғолибони озмунҳо дар ҳаҷми 12 ҳазор сомонӣ мукофотпулӣ таъин шуда, ба ҳар кадоме аз ғолибони озмунҳо – 6 ҳазор сомонӣ, зинаи дуюм – 4 ҳазор ва ҷойи сеюм – 2 ҳазор сомонӣ тақдим карда мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
