Дар Facebook имрӯзҳо огоҳӣ дар бораи дар Тоҷикистон пайдо шудани навъи нави қаллобӣ – тариқи телефон ва тарзи нави ҷалб ба ташкилотҳои террористӣ ба мисли Давлати исломӣ “сайругушт” дорад.
Одамон хабар медиҳанд, ки ба онҳо аз рақамҳои номаълум бо рамзҳои (кодҳои) кишварҳои номаълум зангҳо ворид шудаанд.
Дар огоҳӣ шарҳ дода мешавад, ки ба шумо танҳо як бор занг садо дода, сипас он қатъ мешавад. Посух додан ё дубора занг задан ба ин рақам бо он анҷом меёбад, ки дар муддати 3 сония гӯё аз ҳисоби ҷабрдида пулҳо гирифта шуда, ҳамчунин ҳамаи маълумот дар бораи корти қарзӣ ва рӯйхати рақамҳои дар робита қарордошта нусхабардорӣ шуда метавонад.
ИЗОБРАЖЕНИЕ
Дар фазои интернетии Русия дар ин хусус бисёр маълумоте нашр шуда буд, ки муаллифон он чунин тавсияҳо медоданд:
– Ба ҳеҷ ваҷҳ гӯширо набардошта, ба паёмак (СМС) ҷавоб надиҳед;
– Кӯшиши дубора ба ин рақам занг заданро накунед;
– Ин рақамҳоро ба “Рӯйхати сиёҳ” ворид намоед;
– Агар зангзананда аз шумо чидани рақамҳои #09 ё #90-ро дархост намояд, ин корро накунед. Ба гумони ғолиб, ин як навъи фиреб аст: қаллоб ба симкорти шумо дастрасӣ пайдо карда метавонад ва аз ҳисоби шумо занг мезанад.
“Нусхабардории маълумот бо занг задан ғайриимкон аст”
Ба гуфтаи мутахассиси техникии яке аз ширкатҳои мобилии Тоҷикистон, нусхабардории маълумот дар бораи корти қарзӣ ё рӯйхати рақамҳои дар робита қарордошта тариқи занг аз лиҳози техникӣ ғайриимкон мебошад.
“Шояд ин як шӯхиест ё дарвоқеъ ҳам сари қаллобие сухан рафта метавонад, ки тариқи он қаллобон метавонанд аз ҳисоби зангҳои масофаи дур пул кор кунанд, чунки ин зангҳо хеле гаронанд. Дар ин кор ба таври имконпазир ширкатҳо пул кор карда метавонанд, ки трафикро аз кишвари зангзананда, агрегаторҳои трафик ҷамъоварӣ мекунанд”, – мегӯяд ӯ.
Дар робита бо дархости чидани рақамҳои #09 ё #90 ва боз дигар рақамҳову рамзҳо, ӯ изҳор намуд, ки ин аҷиб аст.
“Мо бо чунин ҳолат дучор нашудаем ва комилан аз имкон дур нест, ки ин як шӯхие беш нест”, – шарҳ дод мутахассис.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
