Пахтакорони шаҳри Леваканди вилояти Хатлон дар миқёси ҷумҳурӣ аввалин шуда, аз иҷрои 100-дарсадии ҷамъоварии ҳосили имсола хабар доданд.
Раиси вилояти Хатлон Қурбон Ҳакимзода ҷиҳати қадрдонии меҳнати пахтакорон имрӯз ба раиси шаҳри Леваканд Заррина Давлатзода сипоснома ва 15 ҳазор сомонӣ мукофотпулӣ тақдим кард.
Гуфта мешавад, ки хоҷагиҳои деҳқонии шаҳри Леваканд соли ҷорӣ дар майдони 1010 гектар кишти пахта гузаронида, то имрӯз беш аз 2310 тонна ҳосил ғундоштаанд. Ҳосилнокӣ аз ҳар гектар ба 22,9-сентнерӣ расонида шудааст.
Ба гуфтаи Заррина Давлатзода, кишоварзони шаҳр тасмим доранд, ки ҳосили боқимондаро то охири мавсим пурра ҷамъоварӣ кунанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
