Бархӯрди воситаҳои нақлиёт дар роҳи Бохтар-Данғара ба марги ронанда боис шуд.
Соати 6-и субҳи 21-уми октябр зимни ҳаракат аз шаҳри Бохтар ба самти ноҳияи Данғара ронандаи автомашинаи тамғаи Opel Astra Абдусобир Сафаров ихтиёри идораи автомашинаро аз даст дода, ба автомашинаи тамғаи “Даймлер-Бенс” зери идораи сокини 53-солаи шаҳри Норак Розиқ Ҷалилов бархӯрд.
Бино ба маълумоти ВКД, бар асари бархӯрди автомашинаҳо ронандаи Opel Astra ва мусофирони он: сокини Бохтар Раҳмат Қосимзода (соли таваллудаш 1960), сокини ноҳияи Вахш Илҳом Саидов (с/т 1974), сокини Бохтар Қосималӣ Бойназаров (с/т 1969) бо ҷароҳатҳои вазнин ба беморхона бурда шуданд.
Гуфта мешавад, мусофирони автомашинаи “Даймлер-Бенс” Гулнораи Исоқулзода (с/т 2001), донишҷӯйи соли аввали Донишгоҳи ба номи Носири Хусрави шаҳри Бохтар, Маҳбуба Назарова (с/т 1972) ва Малика Ҷалилова (с/т 2001), сокинони шаҳри Норак низ бистарии дармонгоҳ шудаанд.
Зикр мешавад, ки баъдан ронандаи Opel Astra Абдусобир Сафаров дар бемористон фавтидааст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
