Содироти барқ аз Тоҷикистон дар даҳ моҳи соли равон ба маблағи беш аз 89 млн. доллар сурат гирифта Президенти ҶТ хабар медиҳад.
Қобили зир аст, ки тибқи маълумоти оморӣ, тайи нуҳ моҳ ба ҳамсоякишварҳо ба маблағи 85,4 млн. доллар нерӯи барқ интиқол дода шудааст.
Ҳамин тариқ, даромади ширкати “Барқи тоҷик” аз ҳисоби фурӯши барқ ба ҳамсоякишварҳо дар моҳи октябр беш аз 3,6 млн. долларро ташкил медиҳад.
Тоҷикистон нерӯи барқро маъмулан ба Афғонистону Ӯзбекистон ва дар ҳаҷми начандон зиёд ба Қирғизистон содирот мекунад.
Соли равон Тоҷикистон ният дорад, ки дар маҷмӯъ наздики 3,5 млрд. кВт/соат нерӯи барқро ба хориҷи кишвар интиқол диҳад.
Дар сохторҳои энергетикии кишвар итминон дода буданд, ки бо оғози камбуди барқ дар Тоҷикистон, интиқоли он ба хориҷи кишвар қатъ хоҳад шуд. Аммо ҳанӯз моҳи октябр сокинони чанде аз минтақаҳои Тоҷикистон аз реҷаи маҳдуди интиқоли барқ ба манзилҳояшон шикоят карда буданд.
Дар бораи мавҷуд набудани нерӯи барқ айни замон сокинони ноҳияҳои Рашт ва Панҷакент хабар медиҳанд.
Дар ҳамин ҳол, дар ширкати “Барқи тоҷик” маълумоти ҷорӣ шудани реҷаи маҳдуди интиқоли барқро дар кишвар рад мекунанд.
Дар ин ширкат мегӯянд, ки барои таъмини пурраи ҷумҳурӣ бо нерӯи барқ иқтидори кофӣ дар ихтиёр доранд.
Қатъи интиқоли барқро тайи моҳи ахир дар “Барқи тоҷик” ба корҳои таъмиру барқарорсозӣ нисбат медиҳанд, ки мувофиқи маълумоти ширкат, барои гузаштан ба мавсими зимистон ногузир аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
