“Спитамен Бонк” ва “Альфа Банк” лоиҳаи муштаракро оид ба ворид кардани маблағ ба корти бонкии низоми миллии пардохти Корти Миллӣ ба ҳама гуна бонкҳо ва кортҳои низомҳои байнулмилалии UnionPay ва VISA, ки аз ҷониби “Спитамен Бонк” бароварда шудааст, тариқи замимаи “Альфа-Банк”-и Русия роҳандозӣ карданд.
Дар робита ба афзоиши талаботи интиқоли пул аз Русия ба Тоҷикистон, “Спитамен Бонк” фаъолона хизматгузориҳои нави дорои технологияҳои муосирро ҷорӣ сохта, бо бонкҳои пешрафтаи Русия ҳамкорӣ ба роҳ мемонад.
Шарики навбатии “Спитамен Бонк” дар амалисозии лоиҳа оид ба ворид кардани маблағҳо ба кортҳои бонкӣ “Альфа-Банк” шуд, ки аз рӯйи ҳаҷми дороиҳо, сармояи муштарак, сандуқҳои қарз ва амонат яке аз ниҳодҳои молиявии бузургарини хусусии Русия ба шумор меравад.
Дорандагони кортҳои бонкии низоми миллии пардохти Корти миллии ҳама гуна бонки Тоҷикистон ва кортҳои низомҳои байнулмилалии UnionPay ва VISA, ки аз ҷониби “Спитамен Бонк” бароварда шудааст, тавассути замимаи “Альфа-Банк” (Русия) пулҳои интиқолёфтаро дастрас карда метавонанд.
Зимни интиқоли пул ҳаққи хизматрасонӣ (комиссия) ситонида намешавад. Гузаронидани пул бо рубли русӣ ва мубодилаи минбаъда, гузаштан ба корт бо пули миллӣ (сомонӣ) дар реҷаи вақти воқеӣ сурат мегирад. Маблағи ҳадди ниҳоии як интиқоли пул 15 000 рублро ташкил дода, шумори транзаксияҳо бемаҳдуд аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
