Ҳавопаймои ширкати ҳавопаймоии Bek Air бо 100 мусофир дар Қазоқистон ба садама дучор шуд. Дар ин бора дар саҳифаи фейсбукии фурудгоҳи Алмаато хабар дода мешавад.
Ба иттилои манбаъ, ҳавопаймо соати 07:05 ба вақти маҳҳалӣ аз Алмаато ба Нур-Султон парвоз кардааст. Дар дохили ҳавопаймо 95 мусофир ва 5 нафар халабонҳо буданд. Тибқи маълумоти пешакӣ, зиндамондагон ҳам ҳастанд.
Шабакаи Telegram-и Mash иттилоъ медиҳад, ки ҳангоми парвоз ҳавопаймо ба бинои дуошёна бархӯрдааст.
Гуфта мешавад, аснои ба замин афтодани ҳавопаймо дастикам 7 нафар ҳалок шудаанд. Дар ҷойи ҳодиса наҷотбахшон машғули кор буда, ҳавопаймо оташ нагирифтааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
