Нарху тарифи хизматрасониҳо дар Тоҷикистон моҳи январи соли равон ба андозаи 0,6% боло рафтанд.
Тавре Агентии омори назди президенти Тоҷикистон хабар медиҳад, дар муқоиса бо моҳи декабри соли 2019 арзиши молҳои озуқа ба андозаи 0,9%, молҳои ғайриозуқа – 0,2% ва хизматрасониҳои пулакӣ ба аҳолӣ – 0,3% зиёд шуданд.
Нархи чиҳо бештар афзуд?
Молҳои озуқа:
сабзавот – 8,7%;
мева – 4,3%;
гӯшт – 0,6%;
маҳсулоти нонӣ – 0,3%.
Молҳои ғайриозуқа:
маҳсулоти доруворӣ – 0,6%;
маводи шустушӯйӣ – 0,4%;
бензин – 0,2%.
Хизматрасонии пулакӣ:
Роҳкирои нақлиёти ҳавоӣ – 14,5%;
Маблағи пардохт дар кӯдакистон – 2,9%;
Хизматрасонии маишӣ – 0,2%.
Ҳукумати Тоҷикистон ният дорад, ки соли равон таваррумро дар сатҳи 7% нигоҳ дорад. Соли 2019 мизони таваррум 8%-ро ташкил дод.
Соли 2019 нархи маҳсулот чӣ қадар боло рафт?
Таваррум дар бахши истеъмолии Тоҷикистон соли гузашта ба нишондиҳандаи рекордӣ тайи ҳафт соли охир – 8% расид. Арзиши чиҳо аз ҳама бештар гарон шуд?
ИЗОБРАЖЕНИЕ
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
