Насрулло Маҳмудзода 12 майи соли 1963 дар шаҳри Конибодоми вилояти Суғд таваллуд шудааст.
Соли 1986 факултаи ҳуқуқшиносии Донишгоҳи давлатии миллии Тоҷикистонро бо баҳои аъло хатм кард.
Фаъолияти кориашро пас аз хатми таҳсил оғоз намуд: солҳои 1986-1987 – муфаттиши калони прокуратураи шаҳри Қайроққум; 1988 – прокурори шуъбаи тафтишотии прокуратураи вилояти Суғд; 1989 – муфаттиши калони прокуратураи шаҳри Қайроқум; 1993 – муовини прокурори шаҳри Исфара ва соли 1997 – муовини аввали прокурори ноҳияи Бобоҷон Ғафуров.
Соли 1998 сардори шуъбаи назорати тафтиши пешакӣ ва таҳқиқ дар мақомотҳои ВКД ва АНМН прокуратураи вилояти Суғд, соли 2002 – прокурори ноҳияи Исмоили Сомонии шаҳри Душанбе ва соли 2007 – прокурори шаҳри Кӯлоб таъин шуд.
Соли 2010 аз ҳавзаи интихоботии Конибодом №19 вакили Маҷлиси намояндагони Маҷлиси Олии Тоҷикистон интихоб шуд.
Аз моҳи феврали соли 2015 то таъиноти кунунӣ ба ҳайси прокурори вилояти Хатлон ифои вазифа мекард.
Мушовири давлатии адлияи дараҷаи 3.
Забонҳои тоҷикӣ, русӣ, ӯзбекӣ ва англисиро медонад.
Оиладор, 3 фарзанд дорад.
Имрӯз бо фармони президенти Тоҷикистон Насрулло Маҳмудзода котиби Шӯрои амнияти Тоҷикистон таъин шуд. Дар ин вазифа ӯ Маҳмадалӣ Ватанзодаро иваз кард, ки бо сабаби ба кори дигар гузаштанаш аз ин мансаб сабукдӯш гардид.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
