Рӯзи 15 июн сафири Ҳиндустон дар Тоҷикистон ҷаноби Вираҷ Сингҳ як миқдории навбатии кӯмаки тиббиро барои мардуми дӯсти Тоҷикистон ба Соҳибҷон Зиёдуллоев, муовини роҳбари Агентии захираҳои моддии давлатии назди ҳукумати Тоҷикистон тақдим кард.
Аз 1 майи соли 2020 ҳукумати Ҳиндустон ба Тоҷикистон тақрибан 14 тонна лавозимоти тиббӣ, аз ҷумла доруҳо ва дигар маводҳои тиббиро, ки махсус барои мубориза бо пандемияи Ковид-19 истифода мешаванд, ирсол намуд.
Доруворӣ ҳамчун ғамхории дарозмуддат мебошад, ки Ҳиндустон ба мардуми дӯст ва ҳукумати Тоҷикистон пешниҳод менамояд.
Равон кардани ин доруҳо дар замоне, ки тамоми ҷаҳон ба пандемияи Ковид-19 дучор меояд, аз робитаҳои наздики дуҷониба ва байналмилалии Ҳиндустон ва Тоҷикистон ва ӯҳдадории Ҳиндустон дар расонидани кӯмак ба кишварҳои шарики худ шаҳодат медиҳад.
Инчунин масъалаи ҳамкориҳои тиббии Ҳиндустон ва Тоҷикистон дар ҷараёни гуфтугӯи телефонии вазири корҳои хориҷии Ҳиндустон доктор С.Ҷайшанкар ва вазири корҳои хориҷии Тоҷикистон Ҷаноби Сироҷиддин Муҳриддин мавриди баррасӣ қарор гирифт.
Ёрии башардӯстона дар намуди маводҳои тиббӣ бо парвозҳои махсус, ки барои бозгардонидани шаҳрвандони Ҳиндустон аз Тоҷикистон пешбинӣ гардида буданд, ворид шудааст.
Байни 27 майи соли 2020 ва 14 июни соли 2020 Сафорати Ҳиндустон дар мувофиқа бо мақомоти дахлдори Ҳиндустон ва Тоҷикистон 8 парвози махсус – 2 парвозро аз ҷониби ширкати ҳавопаймоии ҳиндустонии Эйр Индияa (27 ва 28 майи соли 2020) ва 6 парвоз аз ҷониби ширкати Сомон Эйрr (6, 8, 10, 12, 13 ва 14 июни соли 2020) аз Душанбе ба шаҳрҳои гуногуни Ҳиндустон, анҷом додааст.
Дар ин парвозҳо 1312 нафар шаҳрвандони Ҳиндустон ва 65 нафар шаҳрвандони Тоҷикистон аз ду самт ба ватан баргардонида шуданд, аз ҷумла 46 нафар мутахассисони тоҷик/донишҷӯёни тоҷик, ки дар Ҳиндустон дар курсҳои мухталифи созмондодаи ҳукумати Ҳиндустон таҳсил мекарданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
