Президенти Тоҷикистон Эмомалӣ Раҳмон рӯзи 31 август дар бораи аз вазифаҳо озод кардани як қатор сафирони кишвар дар давлатҳои хориҷӣ фармонҳо ба имзо расонид.
Бино ба иттилои хадамоти матбуоти сарвари давлат, Парвиз Давлатзода бо сабаби ба кори дигар гузаштан аз вазифаи сафири Тоҷикистон дар Ҷумҳурии Халқии Хитой ва ҳамзамон сафири Тоҷикистон дар Ҷумҳурии Сотсиалистии Ветнам озод карда шуд.
Саидзода Зоҳир Озод сафири Тоҷикистон дар Ҷумҳурии Халқии Хитой таъин карда шуд.
Қосимӣ Заробиддин бо сабаби ба кори дигар гузаштан аз вазифаи сафири Тоҷикистон дар Шоҳигарии Арабистони Саудӣ ва ҳамзамон Намояндаи доимии Тоҷикистон дар назди Созмони ҳамкории исломӣ озод карда шуд. Ӯ сафири Тоҷикистон дар Ҷумҳурии Арабии Миср таъин карда шуд.
Ба иттилои манбаъ, Каримӣ Акрам Муҳаммадрасул сафири Тоҷикистон дар Шоҳигарии Арабистони Саудӣ таъин карда шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
