Кормандони милитсия дар шаҳри Истаравшан зани 40-соларо бо гумони ба ҳалокат расонидани шавҳараш боздошт намудаанд.
Бино ба иттилои ВКД, зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия зани 40-солаи сокини ҷамоати деҳоти Қалъачаи Калони шаҳри Истаравшан бо гумони содир намудани ҷинояти одамкушӣ дастгир карда шуд.
Гуфта мешавад, номбурда субҳи рӯзи 12-уми октябр дар хонаи истиқоматиаш бо шавҳараш, марди 54-сола, аз сабаби муноқишаи рухдода ҷангу ҷанҷол карда, бо табари хоҷагӣ 1-маротиба ба сараш задаст, ки дар натиҷа ҷабрдида ҷароҳати вазнини ҷисмонӣ бардошта, дар ҷойи ҳодиса ба ҳалокат мерасад.
Зимнан зикр мегардад, ки аз рӯи ин ҳодиса тафтишот идома дорад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
