Ҳамасола Сафорати Ҷумҳурии Федеролии Олмон дар Душанбе дар доираи Барномаи рушди худ дар саросари Ҷумҳурии Тоҷикистон барои амалисозии як қатор лоиҳаҳо, ёрии молиявӣ мерасонад.
Яке аз ташаббусҳои пурсамари Сафорати Олмон дар Душанбе Барномаи Грантҳои хурд мебошад. Дар давоми панҷ соли охир, бо шарофати ин барномаи сафорат 85 лоиҳаи хурд дар қаламрави Тоҷикистон иҷроӣ ва пуштибонӣ шудаанд. Ҳаҷм ва гуруҳи мавриди ҳадафи ёрии молиявӣ ҳарчанд фарқ кунанд ҳам, ҳадафи асосии лоиҳаҳои мазкур ё грантҳои хурд – ин “фароҳам кардани имкониат ба мардум аст, то онҳо битавонанд ба худашон кӯмак намоянд” ва эҷод ё беҳбуд бахшидани механизмҳо (созукорҳо)-е, ки дар дарозмуддат ба беҳтар шудани шароити зиндагӣ мусоидат мекунанд.
Лоиҳаҳое, ки аз ҷониби Барномаи грантҳои хурди Сафорати Олмон пуштибонӣ карда шудаанд инҳоянд: таъмири пулҳо барои беҳтар намудани дастрасӣ ба роҳҳои асосӣ, насби трансформаторҳои барқӣ ва системаҳои таъмини об, сохтмони иншооти варзишӣ барои кӯдакон, шинонидани дарахту ниҳолҳои мевадор ва ороишӣ дар боғҳои мактаб, таҷҳизонидани китобхонаҳои мактаб ва тимсоли инҳо. Агар аз чанде аз лоиҳаҳо ном бибарем, ба назар мерасад, ки раванди пуштибонӣ аз мактабҳо ва таҳсилоти касбӣ бештар аст.
Сафорати Олмон дар Душанбе бар ин назар аст, ки роҳи муассиртари беҳбуд бахшдани шароити зиндагӣ дар дарозмуддат – ин таҳсилоти босифат аст. Ба ин метавон ба василаи дастрасӣ ба оби тозаву ҳоҷатхонаҳои мутобиқ ба меъёрҳо дар мактабҳо ва тавассути огаҳ кардан аз қоидаҳои беҳдошту муҳити атроф даст ёфт. Ҳамчунин аз тариқи синфхонаҳои дарсии муҷаҳҳаз, низоми дақиқ коркардшудаи аз рӯйи тахассусҳо омода кардани мутахассион, ки битавонад барои соҳиби кор шудани таълимгирандагон имкониати воқеӣ пешбинӣ кунад.
“Ҳарчанд ин “Барномаи грантҳои хурд” номгузорӣ шудааст, вале мо ба манзараи васеътар назар мекунем”, – мегӯяд яке аз намояндаҳои Сафорати Олмон дар Душанбе. «Барои мо муҳим аст бидонем, ки магар ин лоиҳаои “якрӯза” нест, ки дар қадами аввал хуб ба назар мерасаду аммо баъд аз он ки Сафорат “аз саҳна берун меравад” наметавонад мустақилона амал кунаду устувор бошад”. Мардум бояд бо ин лоиҳаҳои роҳат бошанд, тарҳҳоро бояд ҳамчун беҳбудӣ баррасӣ кунанд, на ҳамчун коре, ки тавассути хайрхоҳии хориҷиҳо таҳмил шудааст. Мо дархостҳои зиёде барои лоиҳаҳо дарёфт мекунем, ки хеле олӣ ба назар мерасанд, вале ҳадафҳои рушди дарозмуддат надоранд. Ҳамеша ҷанбаҳои гуногун, аз қабили анъанаҳо, шеваи зиндагӣ ва зерсохтҳоро бояд дар назар гирифт”
Оё шумо идея барои тарҳеро доред? Аз 15 январ то 31 марти 2021, Сафорати Олмон дархостҳо барои иҷроӣ кардани лоиҳаҳои хурдро мепазирад. Ба меъёрҳои интихоби лоиҳа ва шартҳои супурдани дархост, мешавад дар торнамои Сафорат, дар бахши “Ҳамкорӣ дар соҳаи рушд” (Темы – Сотрудничество в области развития) шинос шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
