Замира Муҳамадсафар, хонандаи синфи 8-и мактаби миёнаи умумии рақами 13-и ноҳияи Ёвон, ки дар озмуни вилоятии "Фуруғи субҳи донои китоб аст" аз номинатсияи адабиёти бачагона сазовори ҷойи сеюм шуда буду, ба марҳилаи ҷумҳуриявии озмун роҳхат гирифта буд, аз илтиҳоби шуш даргузаштааст.
Наздиконаш мегӯянд, мутаассифона ба Замира Маҳмадсафар иштирок дар даври ҷумҳуриявӣ насиб накард. Ӯ тайи чанд рӯзи охир аз бемории илтиҳоби шуш азият кашида, рӯзи 16 ноябр аз олам чашм пӯшид.
Бояд гуфт, ки Замира Маҳмадсафар ҳамчунин маъюб буд ва дар ҷамъбасти озмуни вилоятӣ аз сӯйи раиси вилоят барояш аробачаи маъюбӣ туҳфа карда шуд.
Ба гуфти масъулони шуъбаи маорифи ноҳияи Ёвон, Замира дар озмуни ноҳиявӣ ҷои аввалро соҳиб шуда буд.
Баъди озмуни вилоятӣ, барои иштирок дар озмуни ҷумҳуриявӣ ҳамаҷониба омодагӣ медид. Мутаассифона, насиби иштирокаш набудааст ва дирӯз, яъне 16 ноябр Замираро ба хок супурдем,-гуфтанд аз шуъбаи маорифи ноҳия.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
