Дар доираи барномаи ҳамкории дуҷониба ва таҳкими иқтидор байни Ҳиндустон ва Тоҷикистон сафири Ҳиндустон Вираҷ Сингҳ ба директори Маркази тадқиқоти стратегӣ (МТС)-и назди президенти Тоҷикистон Зиёӣ Хуршед Машҳул таҷҳизоти техникӣ тақдим кард.
Кӯмаки техникӣ аз компютерҳои муосир ва серверҳои компютерӣ иборат буда, баҳри такмили инфрасохтори техникии Маркази тадқиқоти стратегӣ ва имкониятҳои илмӣ ва таҳлилии он равона мегардад.
Гуфта мешавад, Марказҳои таҳлилии Ҳиндустон ва Тоҷикистон таърихи тӯлонии ҳамкорӣ доранд. Бисёре аз мансабдорон ва муҳаққиқони Маркази МТС Тоҷикистон дар доираи барномаи ҳамкории техникӣ ва иқтисодии Ҳиндустон (ITEC) дар Ҳиндустон таълим гирифтаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
